Mesa Antela

A mesa Antela é unha mesa de corte clásico, de apariencia esbelta para as súas dimensións e cun porte distinguido grazas á curvatura do seu sobre e das súas patas.

Preséntase como ese elemento arredor do que organizar o espazo, afirmándose como centro neurálxico e convocando a estar.

Á súa vez, como acontece con outras pezas da colección Fenta, a tipoloxía desta mesa encaixa á perfección nese fino límite entre o novidoso e o xa coñecido.