Lagoa

A colección Lagoa nace dos reflexos de beleza dunha relación de amor despois de que esta se sumerxa baixo as augas dunha lagoa durante un paseo en barca. Caprichos da vida poñen fin a unha historia que sabe que non pode durar, pero que inevitablemente se prolonga coma un espellismo nunha travesía pola ensoñación e a memoria.

A través das escenas imaxinarias que recrean o que puido ter sido e non foi, cristaliza unha colección de mobles de liñas sinxelas, pero sofisticados e cun ar de distinción. Como se a auga fose quen de traelos á beira, ou como se o propio brillo do sol os materializase.

Esplendor e ocaso conviven nestes obxectos pensados para persoas que se atreven a vivir emocións fortes e a aceptar que a presencia e a perda son dúas caras dunha mesma realidade.

A LAGOA

E O SEU REFLEXO

A lagoa constitúe un espazo simbólico, de reflexos, tanto reais como fictícios, de brillos. Ás veces nas lagoas viven as avoas, que nos recomendan fuxir dos espellismos e buscar enclaves materiais sólidos. Pero remar cara outro lado non sempre é solución cando nos atrae o reflexo e a corrente nos impulsa a asumir que as barcas poden afundirse.

A lagoa recrea un escenario que se sabe efémero pero que se interpreta con afán de perdurar. Vai acompañada de encantos e sofisticación, como tamén de cinismos e traicións. Nada máis humano que entregarse a vivir e nada máis sabio que aprender a rescatar a beleza do vivido.

Carriño