Mesa Auxiliar Coque

Con esta mesa desafíanse sutilmente os arquetipos establecidos e, nun impulso de vitalidade, ponse o acento no compoñente simbólico. Deste xeito, no límite descontinuo entre os imperativos e os desexos, representa a vontade de construír un lugar de encontro.

Destaca por unha estrutura esvelta e lixeira que despraza o peso visual cara o núcleo da parte superior e resalta o corpo cilíndrico central, que nos evoca a un mesmo tempo superficie e abertura.

Como o conxunto da colección, vai especialmente dedicada a Jorge Varela, achegándose con mentalidade viaxeira a un deses destinos que a el tanto lle tería gustado coñecer: O Líbano.