Tote Xoana

A bolsa tote Xoana combina a expresividade do debuxo artístico co saber-facer do traballo manual. Partindo dunha composición pictórica de tres flores de San Xoán, como son o fento, o romeu e a xesta, realízase un proceso de estampación manual sobre unha tea de liño de alto gramaxe que despois se cose para dar forma a esta bolsa.

Pola súa banda, as asas de cores e sección circular engaden a nota distendida e xovial a este obxecto que, como todas as producións de Bela Furtiva, ten vocación de acompañarnos a longo prazo, converténdose nunha aposta segura para o teu armario.

Para materializala cóntase co equipo cómplice formado por Natalia Moreno Studio, no deseño dos motivos e a estampación textil, Lourdes de Cocolé Moda, na confección, e Sarai Outeiral e Xema Varela, no deseño e coordinación.